تعرض طفلين من ذوي الاحتياجات الخاصة للمنع من الدخول مسرحية آخر البحر للفاضل الجعايبي في قاعة الفن الرابع.
و قالت شاهدة عيان عبر حسابها الرسمي بموقع التواصل الإجتماعي "فيسبوك" ما يلي :
مسرحية آخر البحر - الفاضل الجعايبي قاعة الفن الرابع، راهو عيب كبير كي تجي مرا معاها زوز اولاد من ذوي الاعاقة و ما تدخّلوهمش! راهو المسرحيًة تبدى الخمسة و هوما جاو من الأربعة يستنّاو و من بعد المشرفين على القاعة خسرو عليهم "سامحونا ما عادش فمًا بلايص "!
المفروض اصحاب الاحتياجات الخصوصيّة عندهم الأولويّة يدخلو قبل النّاس الكل و ما اسعدنا بوالدين كيما السيّدة المجاهدة اللي تناضل باش لا يزّي تعيّش و تقوم بزوز ولاد من ذوي الاعاقة و زيد تحببهم في الفن!
المشرفين على القاعة كان تصرّفهماكثر من مخزي و هذا اقل ما يقال عنه. راهو ما عندكمش الحق تحسبو رواحهم ما شفتوهمش!
يا اهل المسرح و اصحاب المؤسسات الفنيّة، ابداو قرّيو و اطّرو العاملين متاعكم قبل ما تعملو الفن.. على الاقل باش تبدى عندكم شويّة مصداقيّة!
ما ننساش خزرة القهر في عينين الام و اولادها.. عيب عليكم!!