قالت الفنانة لطيفة العرفاوي انها تقبل بالغناء في مهرجان قرطاج الدولي مجانا من غير أجر معتبرة ان هذا قرار منها لأن تونس بلادها و الجمهور التونسي هو "ناسها" ، حسب تعبيرها.
و أوضحت لطيفة خلال استضافتها في برنامج "فكرة سامي الفهري" على قناة الحوار التونسي قائلة "في مهرجان قرطاج من غير أجر ونقبل ماعنديش مشكلة ، وقرار مني لأنو شارية بلادي وناسي وحب الناس ليا نقلهم أدفعوا للفرقة .. أنا 2023 ولا مليم بلعكس أنا تبرعت لوزارة المرأة ، قدام بلادي ولا شي ينقص مني بلعكس قد مانعطي لبلادي واجب عليا وأقل حاجة ممكن نجم معناها أني نغني بلاش
و تابعت قائلى " 100 مليون و 80 مليون لاهي باش تزيدني ولا باش تنقصني... أنا لم أدفع لأغني ، أنا تنازلت عن أجري ، حتى الحفلات العام إلي فات كلها عملتها متبرعة".
و حول الاتهامات بالعنصرية ضد افارقة جنوب الصحراء نفت لطيفة ان تكون عنصرية معتبرة انها إفريقية و تحب الافارقة و تتعلم منهم قائلة " أحنا شمال إفريقيا ... أنا نحب الأفارقة إلي يجيوا بشكل قانوني لبلادنا ، ماجاوش يدمرولنا بلادنا .. إلي يجينا ويهجم على أملاكنا وأملاك الناس أكيد مالوش مكان عندنا ، يجيوا يحاربوا ويدمروا ديار ناس شوف العامرة وصفافس وغيرها أكيد لكلنا نرفضوا... إلي يجينا بشكل قانوني يقرا ويستثمر مرحبا".
و اضافت بالقول "هانا احنا نمشيو لفرنسا ، هل نجموا ندخلوا لفرنسا أو السينغال منغير فيزا؟ مستحيل الحارقين التوانسة الله غالب ظروفهم أما مايمشيوش تهجموا على ديار والناس".
و شددت على ان تصريحها في مهرجان طبرقة لم تكن تقصد به ما روج له قائلة " التصريح ماحسبتوش ، جاء في راسي قلتو أنا كي نبدى عايشة لبرا ونشوف أولاد بلادي موجوعة وراجل موش منجم يهبط من دارو يستناو فيه اللوطة وخايف عمري ما ننسى الفيديو هذاكا".