سلطة خضراء
• المقادير
نصف بصلة
1 فلفل حلو كما يمكن اضافة نصف حبة فلفل حراق بس ادري انكم مو معتادين على الحراق مثلنا فاستعملوا بس الفلفل الحلو
2حبتين طماطم صغيرتين
1 حبة خيار
1 ملعقة صغيرة عصير ليمون
1 ملعقة صغيرة خل
نصف علبة تونة
نعناع (نعنع) مجفف و مطحون
2 ملاعق كبار زيت زيتون
فلفل اسود ملح
زيتون
طريقة التحضير:
قومي بغسل الخضار الفلفل البصل الطماطم الخيار جيدا ثم نشفيها
قطعيها في شكل مكعبات صغيرة لا يتعدى حجم المعب الواحد صنتيمتر و كلما كانت مقطعة بشكل صغير كان شكلها اظرف
على حدة حطي ملعقة الخل مع ملعقة عصير الليمون مع ملعقتي زيت الزيتون و النعنع المجفف والملح و الفلفل الاسود وقومي بخلط المكونات جيدا حتي تصير صلصة
اضيفي واسقي صحن الخضار بالصلصة الانف ذكرها وزيني بالتونة و حبات الزيتون
و بالهناء و الشفاء
هذه السلطة ممكن ترفقينها مع المشويات من اللحوم او من السمك
جربوها بنات ما تاخذ من وقتكم اكثر من 10 دقايق
نواصر بالدجاج
المكونات:
300غ نواصر
زوز طروف دجاج
4مغارف زيت زيتونة+ نص فنجان لعجينة النواصر
زوز ريوس بصل متوسطين
زوز مغارف طماطم معجونة
كعبة طماطم
3سنين ثوم
زوز عود قرنفل ملح، فلفل اكحل، كركم
معرفة صغيرة بسباس
فلفل زينة
كعبتين بطاطا صغار
150غ حمص
زوز قرون فلفل
طريقة التحضير:
أول حاجة نحطو الزيت في الطنجرة. نقصو البصل و نرميوه يتقلا، نحوطو الطماطم المعجونة و نحركو، تتقلا شوية نقوصو كعبة الطماطم على 4 و نرميوها. نزيدو الثوم و توا نحطو طروف الدجاج بعد ما نحيو الجلدة متاعهم. نخليوهم يتقلاو شوية.
نبداو نفوحو: ملح، فلفل اكحل، كركم و بسباسو عود قرنفل.
بعد ما يتقالاو مليح مليح نصوبو زوز كيسان ماء ونحطو الفلفل الأحمر حسب الذوق.
نمشيو توا نحضرو النواصر إلّي باش نفورها، ناخذو ال300غ نواصر نبسوها بالزيت زيتونة و بعد نحوطوها في الكسكاس أول ما
المرق يهزّ الغليات و مذابينا نخليو 3دقايق و بعد نغطيوها.
نحطو الحمص يطيب في كسارونة أخرى مع الماء و شويّة خميرة (baking powder).
نقشرو البطاطا و نقليوها و بعد نقليو الفلفل. نخليوها الطيب و ديما نتقفدو نيفو الماء باش المرق ما يشيحش. و كل شوية نحركو النواصر.
كي تحس النواصر بدأت توالي ترونسبارن نبداو توّا بالمرحلة الجديدة إلّي هي: ناخذو لوش مرق و نسقيو باها النواصر على نار هادئة… و قبل كل مرّة ما نسقيوها نحركوها شوية، نعاودو الفازة 3-4 مرات…. و كان في المرّة الأولى نخليوها مغطية من بعد نسقيوها و نخليوها من غير غطا….
من بعد، نقلبوها في Pyrex باش تتجمّر في الفور…
نحوطو الدجاج البطاطا، الحمص، الفلفل و نزيدوها لوش مرق…. النواصر تيتاكل سخونة.
بوزة الدرع
المقادير:
250 غ درع
150 غ سكر عادي
1 لتر من الماء
100 غ جلجلان مرحي
50 غ من البوفريوة
طريقة التحضير:
في اناء عميق نسكب “الدرع” ثم نسكب فوقه السكر و نخلط ثم نسكب الماء و نخلطه جيدا كي نتخلص من الكتل ثم نقوم بتصفيته في اناء الطبخ و ذلك باعتماد مصفاة دقيقة أو أي مصفاة في البيت فالحكمة من التصفية هي أن تكون أقل سماكة و أقل تخثرا .
ثضيف الجلجلان و البوفريوة نخلط جيدا ثم نطبخها على نار هادئة
عندما تجهز نسكبها في الكؤوس و نزينها اما بالفستق المرحي او بحبيبات الجلجلان .
