دبارة اليوم : مرقة قنازية زعرة مع سلاطة مقرونة و كيك الياغورت و التفاح للتحلية

المقادير

500 غرام لحم علوش

12 كعبة قنّاريّة

1 راس بصل مقصوص

1 كأس زيت

2 كعبات قارص

1/2 مغرفة صغيرة زعفران

1/2 مغرفة صغيرة فلفل أكحل

1 رشة ملح

طريقة التحضير

1 - قصّ اللحم وقليه في الزيت + بصل + فلفل أكحل + ملح

2 - امرق اللحم بالماء وخليه يطيب لمدّة ساعة

3 - قشّر القنارية وقصها أنصاف

4 - قشر كعبة قارص وقصها طرنشات

5 - زيد فوق اللحم: القنارية + طرنشات القارص + الزعفران وخلّي الطنجرة تغلي 20 دقيقة

6 - مرقة القنارية الزعرة حضرت وما عليك كان تزيدها رشة فلفل أكحل مالفوق وصحّة وبالشفاء

المقادير

1/2 كعبة كعبة قارص

50 غرام موزاريلا مقصوصة طرنشات

500 غرام مقرونة ملونة

50 غرام تنّ

50 غرام طماطم سوريز مقصوصة

1 فنجان زيت زيتونة

1 رشة ملح

1 مغرفة صغيرة فلفل أكحل

50 غرام زيتون أكحل مقصوص

1 حكّة مايوناز

1 مغرفة كبيرة نعناع شايح

50 غرام زيتون أخضر مقصوص

50 غرام فلفل برلعبيد مقصوص

طريقة التحضير

1 - خلّط في صحفة: مايوناز + فلفل أكحل + ملح + نعناع + زيت + قارص

2 - أصمط المقرونة وصفيها

3 - زيد فوق المقرونة: زيتون مقصوص + موزاريلا + فلفل برلعبيد + تنّ

4 - حركهم مليح وزيد فوقهم الخليط إلّي حضرتو

5 - حطّ الصحفة في الفريجيدار مدّة 30 دقيقة

المقادير

2 - تفاح

1 علبة ياغورت طبيعي

3 علبة ياغورت فارينة

2 علبة ياغورت سكر

1 - سكر فانيليا

1 - خميرة كيميائية

3 - بيضات

1/2 علبة ياغورت زيت نباتي

طريقة التحضير

1 - نقشر التفاح ونقطعه في شكل شرائح قطع متساوية ونتركه جانبا

2 - نسكب الياغورت في وعاء ونضيف الفارينة ،السكر ،الزيت ونمزج المكونات جيدا

3 - نضيف البيض ،الخميرة الكيميائية وسكر الفانيليا ونمزج المكونات حتى نتحصل على خليط ناعم ومتجانس

4 - ندهن طبق الفرن بالقليل من الزبدة ثم نسكب وسطه الخليط

5 - نوزع التفاح المقطع على كامل الطبق ثم ندخله الفرن مدة 30دقيقة تحت درجة حرارة 180

6 - نترك المرطبات حتى تبرد ثم نقطعها